شباب المناصير

بسم الله الرحمن الرحيم
اهلا وسهلا بكم في داركم العامرة
ونتشرف بزيارتكم وندعوكم للتسجيل
ومرحبا بكم في رحاب شباب المناصير

ديار ود قمر شمس لاتغيب من اعز دياري انا منصوري موقد نار

المواضيع الأخيرة

» ديوان الشاعر عنتره بن شداد الجزء الثاني
الخميس مارس 08, 2012 3:29 am من طرف ابوحسين

» ديوان عنتره بن شداد الجزء الاول
الخميس مارس 08, 2012 3:28 am من طرف ابوحسين

» عابرة مشتاق للبلد
الإثنين فبراير 27, 2012 2:31 am من طرف ابوحسين

» لحظة شعور وبركان الحنين
الأحد فبراير 26, 2012 5:28 pm من طرف ابوحسين

» شاعر العابرات محمداحمد علي الحبيب
الأحد فبراير 26, 2012 5:19 pm من طرف ابوحسين

» مخاض الشعر إن يأتي صبيا للاخ الشاعر محمد المظلي
الخميس أغسطس 18, 2011 8:31 am من طرف ابوحسين

» إبن عبقر للاخ الشاعر محمد المظلي
الخميس أغسطس 18, 2011 8:29 am من طرف ابوحسين

» ردا على الشاعرة روضة الحاج للاخ الشاعر محمد المظلي
الخميس أغسطس 18, 2011 8:26 am من طرف ابوحسين

» فريضتي للاخ الشاعر محمد المظلي
الخميس أغسطس 18, 2011 8:23 am من طرف ابوحسين

التبادل الاعلاني

نوفمبر 2017

الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
27282930   

اليومية اليومية


لحظة شعور وبركان الحنين

شاطر
avatar
ابوحسين
المدير العام
المدير العام

عدد المساهمات : 290
نقاط : 900
السٌّمعَة : 0
تاريخ التسجيل : 25/03/2010
الموقع : http://almanasirnew.my-rpg.com/

لحظة شعور وبركان الحنين

مُساهمة  ابوحسين في الأحد فبراير 26, 2012 5:28 pm





لما اسـرح فـي عيونـك كلـي بتفتـح مشاعـر
وأبدأ أكتب ليكي غنوة قبلـي مـا غناهـا شاعـر
في عيونك شفت حسنـك يبتسـم للدنيـا ساخـر
روعة تتحدى الروائع وليها حق مـا نوعـا نـادر
زي شجاعة ناس بلدنا البيها دون النـاس نفاخـر
نحن ماضي ونحن حاضر ونحن كل الجايـي باكـر
لا تظني هواكي عايش في القلوب من غير أواصـر
في سبيل عينيكي إنتـي نحـن بـالأرواح نخاطـر
قولة أحبك لو بتكفي حبي ليـك مـا ليهـو آخـر
والعجيب من قبلك إنتي قلبي كـان بالريـدة كافـر
يا سلام لمان أشوفك وفجـأة يخطـر لـي خاطـر
وألقى كل الكون بيضحك وأي منظر فيهـو ساحـر
في عيونك واضحة نفسك إنتي جوهر مـا مظاهـر
إنتي خيط من نور بيسطع في ظلام أعماقي باهـر
إنتي سر جوايا غامض عقلي عن تفسيرو قاصـر
وإنتي حب في قلبي خالد لي مدى الأزمان يعاصـر
كل لون زي لون سبيبك يعتـرض قدامـي عاكـر
ألقى وجهك نور بيكسح لي جيوش الظلمـة داحـر
إنتي ما ملكة زمانـك إنتـي مـا عقـد الجواهـر
بستعيد لحظات لقانا وأرعى نجـم الليـل مساهـر
عقلي يستعرض مناظرك زي شريط من ذكرى عاطر
إنتي أعظم من خيالـي إنتـي شـي جوايـا ثائـر
إنتي أعمق من غنايـا وإنتـي أول وإنتـي آخـر


























--------------------------------------------------------------------------------


بركان الحنين




بركـان حنيـن جـوة الضلـوع هايـج بيقـذف فـي الحمـم
كلمـات مولعـة كالـشـرار مدفـوعـة تـخـرج كالسـهـم
مأساتـي فيـك يـا سمحتـاً أكبـر مـن البـحـر الخـضـم
مأساتي في البسمة اللي ماتت في الشفاه مطعونة بي سيف الألم
يا عاشق الشعـر الحزيـن هـل يرجـع الضـاع مـن عـدم
هل شفت زول حاول يعبر عن هموم أصبح عـدادن ذاتـو هـم
مارد حنين بين الضلوع لمان يصيح في إيـدي يرتجـف القلـم
تعـداد سنيـن مـرت علـي بعـدك مسيخـة بــلا طـعـم
يا عشق الشعر الحزين هل شفت زول في الدنيـا يتنـدم نـدم
يرجـع يعاتـب نفسـو مـن داخـل الضميـر ليـه ابتـسـم
يا عاشق الشعر الحزين هل شفت زول من شِدَّ ما عقلو ازدحـم
يحسـب حسـاب قبـال يتـم يرجـع يقـول يـا ربـي كـم
وهل شفت زول يـذرف دمـوع مخلوطـة بـي اشـواق ودم
وهل شفت زول صابـر صبـر حتـى الصبـر شافـو اتهجـم
وهل شفت زول مرت عليهـو عـدد سنيـن مـا عارفـو كـم
يـا عاشـق الشعـر الحزيـن دنيـايـا زي دنـيـاك ألــم
بستـان أمـل حاويهـو بـي سـوراً عظيـم فجـأة اتـهـدم
أصـبـح دفـيـن وغـبـار سنـيـن فـوقــو اتـــردم
كيمان عـذاب زي التـراب يـوم ظنـي خـاب خمينـا خـم
أشعار نثرتهـا فـي الـدروب أفضيتـا كـان تشفـي السقـم
بركـان حنيـن بيـن الضلـوع هايـج بيقـذف فـي الحمـم
كلمـات مولعـة كالـشـرار مدفـوعـة تـخـرج كالسـهـم







--------------------------------------------------------------------------------


بتذكرك




بتذكـرك عنـد الأصيـل والطيـر يغـرد فـي الغـصـون
يحتج على شفـق المغيـب والنيـل بينسـاب فـي سكـون
والنسمة تعبث بالنخيل بتذكـرك فـي كـل شـيء بتذكـرك
بـتـذكـرك والـكــون بيـعـكـس فـــي الـمـيـاه
لون الغـروب إبـداع عجيـب أجمـل صـور خلقـا الإلـه
صـور المراكـب راسـيـة فــي الشـاطـي القـريـب
لـوحـات جـمـال منتـشـرة فــي كـــل اتـجــاه
بتذكـرك والليـل بيطمـس كـل لـون عـنـد الـغـروب
والـنـاس بتحـسـس خطـاهـا عـلــى الـــدروب
غرقانة في النور الضئيل بتذكرك فـي كـل شـيء بتذكـرك
بتذكـرك فـي ليـل مثيـر فيهـو القمـر بلـغ الكـمـال
بتذكرك في هجعة التلت الأخير والنور يضاحك فـي التـلال
والساري أضناهو المسير والنوم يداعب في جفونو مع العليل
بتذكـرك فـي كـل شـيء بتـذكـرك سـاعـة السـحـر
والنـور بيولـد مـن جديـد والنسمـة تلثـم فـي الزهـر
والنـور بيشـرق بالأمـل ممتـد علـى الأفــق البعـيـد
والكون بينهـض فـي كسـل مـن رقـدة الليـل الطويـل
بـتـذكـرك فـــي كـــل شــــيء بـتـذكــرك
بتذكرك فـي يـوم خريـف لمعـان بـروق ورزاز خفيـف
والجو بينذر بالمطر بتذكرك فـي زوبعـة رعـدو المخيـف
والريح تزمجر في الشجـر والقريـة تسبـح فـي الغيـوم
فــــي يــــوم نــهــارو كــأنــو لــيــل
بتذكـرك وألقاكـي فـي جيـش مـن سحـايـب انفـتـح
مشطورة بي سيف الشعاع مرسـوم عليهـن قـوس قـزح
بتذكرك والطيب غمر كل البقاع والطيـر يغـرد بـي فـرح
لوحات طبيعـة بـدون يـراع أوصافـا فـوق المستحيـل
بتذكرك في حر شديد زي شوقي ليك ضلل عيونو من الصواب
كم شفت في الأفق البعيد غابات شجر غرقانة في بحر الرهاب
والجـو بيبعـث بالضجـر والـروح بتحـلـم بالـشـراب
شـادد رحالـي ورا السـراب أصبحـت زي ابـن السبيـل
بتـذكـرك فـــي ذكـــرة الـمـاضـي السـحـيـق
بـتــذكــرك وأنـــــا جـــــد حــزيـــن
بـتـذكـرك فـــي هـــوة الــنــوم الـعـمـيـق
والروح تعانق في الخيال فـي لحظـة ترجـع كـم سنيـن
بـتـذكـرك والـمــوت يـحــول دون الـعـشـيـق
كـيــفــن أمـــــوت أنـــــا مــرتــيــن
بتـذكـرك سـاعـة وداع والـنـاس تجـهـز للرحـيـل
بتـذكـرك واتـذكـرك فــي كــل شــيء بتـذكـرك

























--------------------------------------------------------------------------------


يا كنار




غنيني أبدع يـا كنـار أجمـل غنـاك لا تبخلـو
ذكرني بي ناسـاً بعـاد طـول غيابـن وطولـو
ذكرني بي جنة نعيم في الماضـي قبـال يرحلـو
أيام نعيم عاشا الفؤاد يوم كانـو آخـروا وأولـو
ذكرني بي حفلات زمان في الـدارة لمـان ينزلـو
تلقى الجميع من غير شعور بالفرحة هاجو وهللـو
أرجوك تسافر يا كنـار والفـي جهـودك أبذلـوا
والله لو شفـت العلـي مـن لوعـة مابتتخيلـو
قول ليهم القلب الحزين عن حالوا ليه ما بتسألـو
بس ما يكون بي صوت عتاب أرجوكا خايف يزعلو
بلغ حبيب الروح حديث يـا ريتـو منـك يقبلـو
ويقبل كلام ناساً حنـان عـن حبـو مـا يتحللـو
تلقاهو قاعد يا كنـار فـي ليـل سبيبـو مسدلـو
زي القمر بين السحاب يجمـع شعاعـو ويرسلـو
قول ليهو وريني الحصـل بـوِّح عذابنـا وحللـو
خلاك تتناسى الفـؤاد الكـان قبيـل مـا بتجهلـو
قول ليهو في ذكراك دوام الشوق براهـو وبهدلـو
الماضي ضاع واليوم عذاب وريني كيف مستقبلـو
بطراك ما غنت حمايم في غصون هبت نسايم ميلو
تشجيني بي صوتا الفريد وألقى المـدارس شيلـو








    الوقت/التاريخ الآن هو الأحد نوفمبر 19, 2017 7:10 am